sru:version: 1.2; sru:query: fcs.rf="mecmua.1_193"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_193"; sru:baseUrl: ; fcs:returnedRecords: 1; fcs:duration: PT0.023S PT0.032S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_193</phrase></query>)];

539 Quru olsa ṣu seb ola yumşaq
Ṭoġrayub ṣal qazana eyle ufaq

540 Şöyle qaynat ki tā gide quvvet
Ṣuya çıqa qamu ne var ḫaṣlet

541 İki ṣu ola bir vaqīye şeker
Bal revāqı leyin qıvăm vėreler

542 Her ṣabāḥ otuzar direm ala
Bir o deñlü aña daḫı ṣu ṣala

543 Mübtelā‑yi bevāṣıra [!] içürüñ
Perhĭz eyleñ bu varṭadan geçürüñ

544 Her nebātuñ köki çöpi ey yār
Böyle dėr böyle ṣanʿatı her bār

dühn‑i ṭopalaq

545 İsteseñ yaġ çıqarmaq ey kāmil
Añladuġumca diyem el‑ḥāṣıl

546 Ṭopalaq feslegen daḫı fülfül
Her nebāt ü ḥubūb u nergis ü gül

547 Lāzım olduqda birin anlardan
İki zeyt yaġı bir bunı ėt sen

548 Şişeye qoy güneşe qarşu ola
Ṭura qırq gün güneşde şöyle qala

549 Issı yaġlar ṣovuq marażlar‑içün
Ṣovuġa ıssıdan olanlar içün

dühn‑i mīve‑hā

550 Diler‑iseñ yemişlerüñ daḫı
Yaġı nice çıqar bil anı aḫı

551 Turb yaġıdur bu cümlenüñ birisi
Rendeden çek ki qalmaya irisi

552 Yumuşaq tuz ṣaçub muḥarref qo
Turbdan ayrıla çıqa hem ṣu

553 Ol ṣudan iki cüz qoyub cānā
Zeyt yaġını bir cüz eyle aña

554 Āteş‑i nerm‑ile bunı qaynat
Ṣu gide yaġa çıqa tā quvvet

555 Qulaq aġrısına devādur bu
Bel ṣızılarına şifādur bu

556 Cümle yaġlar ṣafā yaʿnī cānā
Saña keşf eyledüm bi‑ḥaqqi ḫudā

557 Ola bir gün baña duʿā ėdesin
Her qaçan ḫasteye devā ėdesin

ḥelvā‑yi ḥükemā

558 Ḥükemā yazdılar bir niçe ḥelvā
Her birisi nefāyis ü raʿnā

559 Cümleden birisi budur anuñ
Ṣıḥḥat‑i cisme rāḥat‑i cānuñ